လောကဓံရိုက်ချက်တွေအတွက်
စိတ်မပျက်နဲ့ ညီမလေးရယ်
ဘ၀တစ်ခုအတွက်
နေ့စဉ်ရက်ဆက် မဟုတ်တောင်
မျက်မှောင်တွန့်ပြတာကို
မြင်နေရမှာပဲ
လူထဲက လူပဲလေ
။.........။
တစ်နွေအောက်မှာပွင့်တာတောင်
အားလုံးပိတောက်တွေပဲမဟုတ်ဘူး
ရွှေရည်လူးတဲ့ ငုဝါလည်းပါမယ်
အနံ့ရယ်တော့မရှိပါဘူး
ရွေးခြယ်တက်ဖို့ပါပဲ
။..............။
သည်းခံလိုက်ပါ
တက်နိုင်သလောက်
အရိယာလောက်တော့ မဆိုလိုပါဘူး
အတ္တ မာနတွေ
ခပ်ပါးပါးလူးထားတဲ့
သူတို့လိုအရူးရင့်ရင့်တွေအတွက်
ခံစားချက်ထားရင်မှားမယ်
။.............။
ကိုယ့်သမိုင်းကိုယ်ထွင်း
ကိုယ်ခင်းတဲ့လမ်း
ကိုယ်လျှောက်မယ်ဆိုမှတော့
မော့ထားလိုက်ပါ
မာနမပါရင်ပြီးတာပဲ
ခပ်ရဲရဲ ပေါ့
။.............။
No comments:
Post a Comment