Wednesday, May 19, 2010

ဗြဟ္မစိုရ်ဝန်းကျင်



အဘ နေကောင်းရဲ့လား


ကောင်းသွားပါပြီး ဦးဇင်း၊ ရေချိုးမှားပြီး ဖြစ်သွားတာပါ၊ ခုတော့ ကောင်းသွားပြီ၊ ဦးဇင်းရောနေကောင်းရဲ့လား

ကောင်းပါတယ် အဘ၊ အဘကျန်းမာရေးဂရုစိုက်နော်

အဘ နေမကောင်းဘူး သတင်းကြားလို့ ဖုန်းဆက်လိုက်ခြင်းပါ။ အဘနေမကောင်းဘူး ဆရာတော်နဲ့ ဦးလေးဦးဇင်း ရွာကို ပြန်သွားကြတယ်၊ ဆရာတော်ဆီမှာဖုန်းပါသွားတယ်။ ဆက်ကြည့်လိုက်တဲ့ ကျောင်းမှ မိတ်ဆွေတစ်ပါးက သတင်းပေးလို့ လှမ်းဆက်လိုက်တာ။ ဆရာတော်ကတော့ ရွာကျောင်းကြီးပြန်လည် တည်ဆောက်ရေးအတွက် လေ့လာဖို့ လိုက်သွားခြင်းဖြစ်၏။ CDMA ကမ်းရိုးတမ်းဖုန်းဆိုတော့ ရွာအထိပါသုံးလို့ရ၍ တော်တော့၏။ အဘသည်ကား အသက်ရှစ်ဆယ်အရွယ်ဖြစ်၏။ ရာသီဥတုဒါဏ်ကို တော်တော်လေး ခံလိုက်ရခြင်းဖြစ်၏။

ဆွေမျိုးတသိုက်လဲ ခုမှပဲ ဒီလိုဖုန်းလေးပြောဖူးပုံရ၏။ ဆရာတော်မှ ညနေ ခုနှစ်နာရီလောက်ဆို မင်းအဘအိမ်ကို ငါတို့ရောက်မယ် မင်းစကားပြောချင်ရင် ဖုန်းဆက်လိုက် ဟု ဖုန်းချိန်းပေးခြင်းဖြစ်၏။ ဦးကြီး၊ ဦးလေး၊ အဒေါ်စတာတွေအားလုံးနှင့်ပြောဖြစ်လိုက်၏။

ဦးဇင်းကျန်းမာရေးဂရုစိုက်နော်၊ ရေချိုးတာလဲ သတိထားဦး တဲ့။ ငယ်စဉ်ကပေပေတေတေ နေလာခဲ့တာကို သူတို့ သိနေတော့ စိုးရိမ်စိတ်နဲ့ တစ်ယောက်တစ်မျိုး မှာတမ်းခြွေနေတော့၏။ ဘယ်သူရှိနေတယ် ပြောလိုက်ဦး၊ ဘယ်အဒေါ်ဖြင့် ရောက်နေတယ် ပြောလိုက်ဦးနှင့် ဆွေမျိုးစုံလင်စွာ ဆိုက်ရောက်နေကြပုံပင်။

ဦးဇင်းအဒေါ် သန်းသန်းလဲရောက်နေတယ်ဘုရား သူနဲ့ပြောလိုက်ပါဦး

ဖုန်းက တစ်ယောက်လက်ကနေ နောက်တစ်ယောက် အနားရဟန်မတူ။

သန်းသန်း နေကောင်းလား၊ ကိုရင်လေးကိုတော့ ရန်ကုန်စာသင်တိုက်ကောင်းတစ်ခုမှာ အပ်လိုက်ပြီနော်

တင်ပ ဦးဇင်းကြီး (ဦးလေးဦးဇင်းကိုဆိုလိုခြင်းပါ) ပြောပြတယ်ဘုရား

သူ့သားကိုရင်လေးကို ရန်ကုန်စာသင်တိုက်တစ်ခုမှာ ပညာသင်အပ်နှံထားခဲ့ခြင်းပင်။

ဦးဇင်းလဲ ရေမိုးချိုးတာမှာ ဆင်ခြင်းဦး ကျန်းမာရေးကိုလဲ ဂရုစိုက်နော် ဦးဇင်း

အင်း စိတ်ချပါ ဒီမှာ အေးဆေးပါ ဘာမှမဖြစ်ပါဘူး၊ သန်းသန်းတို့သာ ကျန်းမာရေးဂရုစိုက်ပါ၊ အဘကိုလဲ နေပူထဲတွေ ပေးမထွက်နဲ့နော်

ဒီကိုမပူနဲ့ ဦးဇင်း၊ ဒီမှာက ဆွေမျိုးစုံတယ် သိုက်သိုက်ဝန်းဝန်းနဲ့၊ ဦးဇင်းမှာသာ ဆွေဝေး၊ မျိုးဝေးနဲ့မို့စိတ်ပူရတာ

ဝမ်းနည်းမျက်ရည်စို့မိတော့၏။ ဟုတ်ပေသားပဲ သူတို့မှာ ဆွေမျိုးတွေ စုံစုံလင်လင်နဲ့နေရပြီး ငါ့မှာတော့ ရပ်ရွာ၊ မိဘ၊ ဆွေမျိုးများနဲ့ခွဲနေလာခဲ့တာ ဆယ်စုနှစ်နှစ်ခုနီးပါဖြစ်၏။ ဟုတ်ပေသားပဲ။ သူပြောတဲ့ မိဝေး၊ ဘဝေး၊ ဆွေမျိုးနဲ့ဝေးနေတော့ သူတို့ပူမိပေမည်။

ဒါပေမဲ့ သန်းသန်းရယ် ဒီမှာလဲ မိတ်ကောင်းဆွေကောင်းတွေနဲ့ပါ၊ တစ်ယောက်ကိုတစ်ယေက် ဂရိုက်စိုက်တယ်၊ ဖေးမတယ်၊ လမ်းပြတယ်၊ တွဲခေါ်တယ်။ နယ်ပယ်မကျယ်ဝန်းပေမဲ့ ဗြဟ္မစိုရ်ကိုယ်စီနဲ့ အေးချမ်းလှပါတယ်။ မိဘဆွေးမျိုးတို့အရိပ်မရှိပေမဲ့ အဲဒီဗြဟ္မစိုရ် နယ်လေးထဲမှာ ဘာမှပူစရာမရှိပါဘူး လို့ စိတ်ထဲကပဲ ပြောမိတော့၏။

ဒီဝန်းကျင်လေးမှာပဲ အသားကျနေပါပြီ။ အဲဒီလိုဝန်းကျင်မျိုးတွေမှာပဲ နေထိုင်ရင်းနဲ့ ...........


No comments:

Post a Comment