မနက်ခင်းလေးမှာ
ကြည်လင်လတ်ဆက်ခြင်းနဲ့ မျက်နှာသစ်လို့
အသက်ကို အ၀ရှူကြည့်လိုက်တယ်
အင်း လန်းဆန်းသွားလိုက်တာ
နေ့တိုင်းသာဒီလိုဖြစ်ရင်
ဘယ်လောက်များကောင်းလိုက်မလဲ
မမြဲခြင်းတရားကို ခဏမေ့ထား
မလွယ်မှန်းသိပေမဲ့
ပျော်ရွှင်မှုကိုခုံမင်တက်တာ
လူ့သဘာဝတစ်ခုလား
အဲဒီထဲမှာ တိမ်းမူးနေတဲ့ လူစားထဲမှာ
ငါ မပါအောင် ဆင်ခြင်ရင်း
ခုတော့ ခဏမှေးလိုက်ဦးမယ်
အမြဲတမ်းရယ်နေလို့မရမှန်းသိပေမဲ့
ပြုံးနေနိုင်ဖို့ကြိုးစားနေချင်သေးရဲ့
ငယ်စဉ်ဘ၀မှာတော့ အလွယ်သား
ခုများတော့
ဘ၀အမှားတွေ တစ်ခုပြီးတစ်ခု
ကျူးလွန်နေမိသလို
ပြုံ့တော့မယ်ကြံတိုင်းလေ
နောင်တတံတိုင်းတွေက ကာကာထားတယ်
ဘ၀နှယ်ဆိုးလိုက်ပုံများ
ဒီလိုနဲ့ အပြုံးတုတွေကို
တပ်ဆင်လိမ်းကျံနေရပေါ့
ခါးတယ်လို့လဲ ညည်းတွားမနေချင်ပါဘူး
ဘ၀ဆိုတာကို ရစ်မူးမိနေမှတော့
ခပ်ရူးရူးပုထုဇဉ်အဖြစ်နဲ့ပဲ
ရင်ထဲက မပါတောင်
ခပ်သော့သော့ ရယ်သွမ်းသွေးလိုက်မယ်
ဟဲ ဟဲ ဟဲ လို့
အကယ်ဒမိဆန်ခါတင်ထဲမှာတော့ ပါတန်ကောင်းရဲ့
No comments:
Post a Comment