ငါကတော့ မြက်ဖိနပ်နဲ့
ဒါပေမဲ့
မြင့်မိုရ်တောင်ကိုလည်း လိုက်တက်ခဲ့မယ်
သွားနှင့်ကြပါ
ဟိုးမှာ
ဘုရားသခင်ရှေ့တော်မှောက်က
အိပ်မက်တွေဒူးထောက်လဲကျနေတဲ့သူ
သူ့ကိုကူညီပါရစေဦး
ငါ့ရှင်တို့က ဘာလဲ
ငါက ဘာလဲ
နာမည်တွေ မြေကြီးပေါ်ပစ်ချပြီး
လှလှပပ ပြိုင်ရဲပါတယ်
တစ်နေ့တော့ တွေ့ကြမယ်
နှစ်ဘက်ဓားသွားတစ်လက်လို
ပြိုးပြက်ဝင်းဖိတ်
သုညဂူမှာလဲ ငါအိပ်ခဲ့ပြီးပြီ
အိမ်ပြန်လမ်း
အမေနဲ့တွေ့မှ နမ်းမယ်
ငြိမ်းချမ်းရေးနှင်းဆီ
ငါ့ရင်ဘက်မှာ
သွေးတစ်စက်လိုနီနေတယ်
ချစ်သူကလေးရေ
မြို့တံခါးကိုဖွင့်
မီးအိမ်တို့နဲ့အတူကြိုပါ
လရောင်စက်တဝေေ၀နဲ့
သင့်ရဲ့ နွေရာသီမြင်းစီးခရီးသည်
ဓူဝံထက်မြင့်တဲ့ကြယ်ကို
ခူးယူလာမှာပေါ့ကွယ်
(တာရာမင်းဝေ)
No comments:
Post a Comment